Лондоннинг "Челси" клуби ҳужумкор ярим ҳимоячиси Эстевао Виллиан жиддий жароҳатдан қутилиб қолди. Бу ҳақда нуфузли BBC нашри журналистлари хабар тарқатмоқда.
Маълум бўлишича, вингернинг жароҳатланган сони операция қилинмайдиган бўлди. 19 ёшли бразилиялик футболчи тахминан бир ой олдин "Манчестер Юнайтед"га қарши (0:1) кечган баҳсда шикастланган эди. Эслатиб ўтамиз, айнан ушбу жароҳат сабаб Эстевао Бразилия терма жамоасининг ЖЧ-2026 учун кенгайтирилган таркибига киритилмаган эди.
Маълумот учун, вингер Англия Премьер-лигасининг жорий мавсумида 22 та учрашувда майдонга тушиб, ўз ҳисобига 2 та гол ва 2 та голли узатма ёздириб қўйишга улгурди.
