Мадриднинг «Реал» клуби бош мураббийи Альваро Арбелоа жароҳат олган футболчиларнинг ҳолати ҳақидаги саволга жавоб берди.

Якшанба куни «қаймоқранглилар» Ла Лиганинг 37-тури доирасида Винисиус Жуниорнинг голи эвазига «Севилья»ни мағлуб этишди (1:0).

Учрашувнинг 77-дақиқасида бразилиялик футболчи жароҳат сабабли майдонни тарк этди, бир оз олдинроқ Орельен Тчуамени билан ҳам худди шундай ҳолат юз берганди. Дин Хёйсен ўйинни охиригача етказди, бироқ унда ҳам соғлиқ билан боғлиқ муаммолар кузатилди.

«Винисиус енгил ноқулайлик сезгани учун захирага олинди, Тчуаменида ҳам худди шундай вазият. Хёйсен эса оғриқли зарба қабул қилиб олди. Кейинги ҳафтада ким майдонга тушишга тайёр бўлишини кўрамиз. Фақат шуни айта оламанки, ҳеч қандай жиддий нарса содир бўлмади», — деди Арбелоа матбуот анжуманида.

23 май куни «Реал» чемпионатнинг сўнгги тури доирасида сафарда Бильбаонинг «Атлетик» клубига қарши майдонга тушади.