«Рома» ҳужумчиси Пауло Дибала фаолиятини Англия Премьер-лигасида давом эттириши мумкин. Sky Sports тарқатган маълумотларга кўра, аргентиналик футболчи «Рома» билан шартномани узайтириш бўйича музокаралар давом этаётганига қарамай, шу ёзда АПЛга ўтиш фикрига қарши эмас.
Рим клуби ҳамон аргентиналик юлдузни жамоада олиб қолишига ишонмоқда ва форвард янги битимга имзо чекишини кутяпти. Бироқ, Дибала доимо Англияда тўп суришни орзу қилган ва агар «Рома» билан келишувга эришилмаса, у шу ёзда эркин агентга айланади.
Пауло Дибала жорий мавсумда «Рома» сафида барча турнирларда 26 та учрашувда майдонга тушиб, 3 та гол урди ва 6 та голли узатмани амалга оширди.
