«Интер» ҳимоячиси Алессандро Бастони фаолиятини Испанияда давом эттириши мумкин. Бу ҳақда журналист Мигель Серрано хабар бермоқда.

Манбанинг берган маълумотларига кўра, «Реал» бош мураббийлигига тайинланиши кутилаётган Жозе Моуриньо шу ёзда италиялик футболчини ўз жамоасига қўшиб олмоқчи. Португалиялик мутахассис Бастонини қироллик клуби ҳимоя чизиғини кучайтириш учун энг асосий вариант сифатида кўрмоқда.

Жорий мавсумда Алессандро Бастони «Интер» сафида 40 та учрашувда майдонга тушиб, ўз ҳисобига 2 та гол ва 6 та голли узатма ёздириб қўйди. Аввалроқ, ушбу ҳимоячини сотиб олишга энг асосий даъвогар «Барселона» клуби бўлиб тургани ҳақида хабарлар тарқалган эди.