«Кристал Пэлас» ҳужумчиси Жан-Филипп Матета йил бошидаёқ «Милан»га ўтишга жуда яқин келган эди, бироқ ўшанда келишув барбод бўлганди.
Инсайдер Николо Скиранинг маълумотларига кўра, «россонерилар» француз футболчисига бўлган қизиқишини ҳали ҳам сақлаб турибди ва уни ёзги трансфер ойнасида ўз сафига қўшиб олиши мумкин.
Ҳужумчининг ўзи ҳам жорий мавсум якунланганидан кейин «бургутлар» сафини тарк этишга тайёр. Жан-Филипп Матета Англия Премьер-лигасининг жорий мавсумида майдонга тушган 31 та учрашувида ўз ҳисобига 11 та гол ёздириб қўйишга муваффақ бўлди.
Transfermarkt портали Франция терма жамоаси аъзосининг бозор қийматини 35 миллион еврога баҳоламоқда. Футболчининг «Кристал Пэлас» билан амалдаги шартномаси 2027 йилга қадар мўлжалланган.
