Мадриднинг «Атлетико» клуби дарвозабони Ян Облак фаолиятини А Серияда давом эттириши мумкин.
33 ёшли футболчига Миланнинг «Интер» клуби даъвогарлик қилмоқда. Журналист Экрем Конурнинг маьлумотига кўра, «нерадзуррилар» словениялик посбонни дарвоза чизиғи учун асосий трансфер мақсади сифатида белгилаб олган. Италия чемпионлари шартномаси шу июнь ойи охирида якунига етадиган Янн Зоммерга ўринбосар изламоқда.
«Transfermarkt» портали баҳосига кўра, Ян Облакнинг бозор қиймати 17 миллион еврони ташкил этади. Дарвозабоннинг амалдаги меҳнат шартномаси 2028 йилнинг ёзигача мўлжалланган. Ўтган йилларда «матрасчилар» юлдузига бўлган қизиқиш кўпинча Англия Премьер-лигаси грандларига нисбат берилар эди.
