«Ливерпуль» бош мураббийи Арне Слот Лондоннинг «Арсенал» клубини чемпионлик билан табриклади.

«Мен «Арсенал»ни Премьер-лигадаги ғалабаси билан табриклайман. Микель ва унинг мураббийлар штаби улкан ишни амалга оширди. Аммо улар ўтган сафаргидан бутунлай бошқача чемпионга айланишди. Сўнгги 30 йил ичида биринчи марта голларнинг 40 фоизи стандарт вазиятлардан киритилди! Луис Энрике уларнинг лигамизда тўпсиз ҳаракатланиш бўйича энг яхшиси эканини айтган эди — мен бунга қўшиламан», — дея Слотнинг сўзларини келтиради журналист Фабрицио Романо.

«Арсенал» 37-турдан кейин 82 очко жамғариб, муддатидан аввал Англия чемпионига айланди. «Манчестер Сити»дан фарқ тўрт очкони ташкил этади. «Тўпчилар» 2004 йилдан бери илк бор олтин медалларни қўлга киритдилар. «Ливерпуль» эса бешинчи ўринда бормоқда ва ҳозирча Чемпионлар лигасидаги иштирокини расман кафолатламаган, аммо мерсисайдликлар мағлуб бўлишса ҳам, катта эҳтимол билан улар бу ҳуқуқни қўлга киритишади.