«Бетис» дарвозабони Адриан ижтимоий тармоқдаги саҳифаси орқали профессионал фаолиятини якунлаётганини маълум қилди. Январда испаниялик футболчи 39 ёшни қарши олган эди.

«Салом, «Бетис» мухлислари. Фаолиятим давомида мен совринлар ютдим, буюк футболчилар билан рақобатлашдим ва энг яхшилари билан бирга ўйнадим. Пенальтиларни қайтардим, голлар ўтказиб юбордим ва терма жамоага чақирилдим. Мен ота-онаси бутун ҳафталик меҳнатдан сўнг лойли майдонларда сакрашга олиб борган ва бундай орзу қилишга журъат ҳам этолмаган ўша кичкина болакай эришган нарсаларга эришдим.

Сиз аллақачон дам олиш кунлари менинг «Бетис» дарвозабони сифатидаги сўнгги ўйиним бўлишини биласиз, аммо мен шуни эълон қилмоқчиманки, охирги бир неча соат ичида бу менинг футболчи сифатидаги сўнгги ўйиним ҳам бўлишига қарор қилдим. Мен ўзимга мос жойда — ўз уйимда фаолиятимни якунлаяпман», — деб ёзади Адриан.

Эслатиб ўтамиз, 2019 йилдан 2024 йилгача Адриан «Ливерпуль» сафида тўп сурган, унгача эса олти йил давомида «Вест Хэм» шарафини ҳимоя қилган. Мерсисайдликлар билан у 2019/20 йилги мавсумда Англия чемпиони, 2022 йилда Англия Кубоги соҳиби, 2019/20 йилда УЕФА Суперкубоги ва 2020 йилда Клублараро жаҳон чемпионати ғолиби бўлган, шунингдек, икки марта Англия Лига Кубогини қўлга киритган.