Мадриднинг «Атлетико» клуби ҳужумчиси Хулиан Альварес атрофидаги трансфер миш-мишлари тинмаяпти. Аргентиналик футболчига даъвогар сифатида «Барселона», «ПСЖ» ва Лондоннинг «Арсенал» клублари тилга олинмоқда.

Таниқли журналист Гастон Эдулнинг фикрича, футболчи учун курашда «кўк-анорранглилар» ҳамон асосий фаворит бўлиб қолишмоқда.

«Мен унинг «Барселона»га ўтиш эҳтимолини 45%, «ПСЖ»га ўтишини 35%, «Арсенал»га боришини эса 20% деб баҳолайман. Агар «Барса» ҳақиқатан ҳам уни сотиб олмоқчи бўлса, ўз ниятларини жиддий таклиф билан тасдиқлаши керак бўлади. Ҳозирча фақат биргина клуб музокараларда олдинга силжиган – бу «ПСЖ». Париж клуби Хулиан ва «Атлетико»га катта маблағ таклиф қилишни ваъда қилган», – дейди эксперт.

Transfermarkt портали «матрасчилар»нинг 26 ёшли юлдузини 90 миллион еврога баҳоламоқда.