«Зенит»нинг собиқ ҳужумчиси, ҳозирда Бразилиянинг «Коринтианс» клуби шарафини ҳимоя қилаётган Юри Алберто фаолиятини Европа чемпионатида давом эттириши мумкин. Бу ҳақда ESPN нашри журналистлари хабар бермоқда.
Манбага кўра, италиялик «Рома» клуби бразилиялик футболчининг трансферига жиддий қизиқиш билдирмоқда. Рим клуби бўлажак трансфер ойнасида 25 ёшли ҳужумчини ўз таркибига қўшиб олишга уриниб кўради.
Transfermarkt портали футболчининг бозор қийматини 25 миллион евро деб баҳоламоқда. Албертонинг «Коринтианс» билан тузган амалдаги шартномаси 2030 йилнинг июнь ойи охиригача амал қилади.
Маълумот учун, Италия чемпионати якунланиши арафасида «бўрилар» 70 очко билан турнир жадвалида учинчи ўринни эгаллаб туришибди.
