Россия терма жамоасининг собиқ бош мураббийи Юрий Сёмин «Евро-Футбол.Ру» нашрига берган интервьюсида бўлажак Жаҳон чемпионати ҳақидаги кутилмалари билан ўртоқлашди.

«Албатта, мен Жаҳон чемпионати бошланишини интизорлик билан кутяпман ва бу қизиқарли турнир бўлишига умид қиламан. Турли жамоаларни кузатиб бораман. Қайси жамоага мухлислик қиламан? Менга Ўзбекистон терма жамоаси яқин. У ерда кўплаб танишларим бор, бундан ташқари, бу бизга умуман олганда жуда яқин мамлакат», — деди Сёмин.

ЖЧ-2026да Ўзбекистон терма жамоаси «К» гуруҳидан жой олган бўлиб, у ерда Португалия, Колумбия ва ДР Конго жамоалари билан куч синашади.