«Манчестер Юнайтед» португалиялик ярим ҳимоячи Бруну Фернандеш билан янги шартнома имзолаш бўйича музокараларни бошлади. Бу ҳақда инсайдер Фабрицио Романо хабар берди.

Ўтган мавсум якунларига кўра, ярим ҳимоячи Англия чемпионатининг энг яхши ассистентига айланди — португалиялик футболчи 35 та учрашувда 21 та голли узатмани ўз ҳисобига ёздириб қўйди. Клуб унинг муваффақиятларини янги шартнома билан рағбатлантирмоқчи.

Брунунинг «Манчестер Юнайтед» билан амалдаги битими 2027 йил ёзигача мўлжалланган. Аввалроқ футболчига Саудия Арабистони ва Европанинг бир қатор клублари қизиқиш билдиргани ҳақида хабарлар тарқалган эди.

Ўтган АПЛ мавсумида Фернандеш 35 та ўйинда майдонга тушиб, 9 та гол урди ва 21 та голли узатмани амалга оширди.