«Бавария» бош мураббийи ва «Манчестер Сити»нинг собиқ сардори Венсан Компани, жамоа бош мураббийлигидан кетган Хосеп Гвардиола, шунингдек, «шаҳарликлар» футболчилари Жон Стоунз ва Бернарду Силвани шарафлаш ҳамда улар билан хайрлашиш маросимида қатнашди.
Англия Премьер-лигасининг 38-туридан ўрин олган «Астон Вилла»га қарши ўйиндан (1:2) сўнг ташкил этилган тадбир доирасида «Этихад» стадиони майдонида вақтинчалик саҳна қурилди. Унга «шаҳарликлар» тарихидаги рамзий шахслар бирин-кетин кўтарилиб, Гвардиола даврида қўлга киритилган совринларни олиб чиқишди. Ушбу акция иштирокчиларидан бири, 2008 йилдан 2019 йилгача клубда тўп тепган Компани қўлида АПЛ чемпионлик кубогини кўтариб чиқди.
