Мадриднинг «Реал» клуби президенти лавозимига номзод Энрике Рикельме бўлажак сайловларда муваффақият қозонишига қатъий ишонч билдирди. 37 ёшли испаниялик тадбиркор 2009 йилдан буён клубни бошқариб келаётган Флорентино Пересга жиддий рақобат кўрсатиш ниятида.

«Мағлуб бўлган тақдиримда келажакда яна номзодимни қўяманми? Мен ғалабадан бошқа ҳеч нарса ҳақида ўйламаяпман. Биз бу ерга ютиш учун келганмиз. Ёшим 37 да, мен 37 мамлакатда фаолият юритадиган, 5000 нафар ходимга эга ва 4 миллиард евро даромад келтирадиган глобал компанияни бошқараман. Одамлар бир нарсани тушуниб етиши керак: мен лойиҳаларга шунчаки иштирок этиш учун киришмайман. Агар номзодимни қўйган эканман, демак, ғалабани мақсад қилганман», — дея Рикельме сўзларини келтиради Madrid Zone.

Эслатиб ўтамиз, «Реал» президентлиги учун сайловлар жорий йилнинг 7 июнь куни бўлиб ўтади.