Мадриднинг «Реал» клуби президентлигига номзод Энрике Рикельме Испания терма жамоасининг Жаҳон чемпионати учун эълон қилинган таркибида бирорта ҳам «қироллик клуби» вакили йўқлигини кескин қоралади. Бош мураббий Луис де ла Фуэнте якуний рўйхатдан «Реал» футболчиларини четда қолдиргани кўплаб муҳокамаларга сабаб бўлмоқда.
«Мадридист сифатида ЖЧ-2026 учун эълон қилинган Испания терма жамоаси таркибида бирорта ҳам «Реал» футболчисини кўрмаслик мен учун жуда оғриқли. Ёзги мундиал давомида бизнинг болаларимиз кимнинг исми ёзилган футболкани кийиб юришади? Ламин Ямалнингми?» — дея Рикельме сўзларини келтиради Cope.
Эслатиб ўтамиз, Испания терма жамоаси Жаҳон чемпионати гуруҳ босқичида Кабо-Верде, Саудия Арабистони ва Уругвай терма жамоаларига қарши майдонга тушади.
