«Арсенал» жамоасида стандарт вазиятлар бўйича мураббий лавозимида ишлайдиган Николя Жовер жамоанинг муваффақиятлари туфайли катта даромад қилди.

«Канонирлар» якунланган мавсумда стандарт вазиятлардан киритилган голлар сони бўйича Премьер-лига рекордини ўрнатди – 25 та гол. Лондонликлар 22 йил ичида илк бор «Манчестер Сити»ни етти очкога ортда қолдириб, чемпионликни қўлга киритди.

Football Insider хабарига кўра, Жовер стандарт вазиятдан киритилган ҳар бир гол учун 10 минг фунт стерлинг (11,5 минг евро) миқдорида бонус олган. Микель Артета шогирдлари барча турнирларда рақиблар дарвозасини бундай усулда 34 маротаба ишғол этишга муваффақ бўлди.

30 май куни «Арсенал» ўз тарихида илк бор Чемпионлар лигаси ғолиби бўлиши мумкин – финалда улар «ПСЖ»га қарши майдонга тушади.