Хорватиялик ярим ҳимоячи Лука Модрич «Милан» жамоасини тарк этмоқда. Бунга «россонерилар»нинг кейинги мавсум учун Чемпионлар лигаси йўлланмасини қўлга кирита олмагани сабаб бўлди.

Tuttosport хабарига кўра, Мадриднинг «Реал» клуби Модрични қайтаришни режалаштирмоқда, бироқ футболчи сифатида эмас. Хорватиялик юлдузга жамоанинг янги мураббийлар штабида лавозим ёки клубда маъмурий иш таклиф қилиниши мумкин.

Эслатиб ўтамиз, Модрич 2012 йилдан 2025 йилгача «Реал» шарафини ҳимоя қилган. Ўтган мавсумда у Италия чемпионатида «Милан» сафида 34 та ўйинда майдонга тушиб, 2 та гол ва 4 та голли узатмага муаллифлик қилди.