«Манчестер Юнайтед» ҳужумчиси Беньямин Шешко Англияга кўчиб ўтганидан кейинги илк мавсумда дуч келган қийинчиликлар ҳақида гапириб берди. «Қизил иблислар» словениялик футболчини ўтган йилнинг ёзида Германиянинг «РБ Лейпциг» клубидан 76,5 миллион евро эвазига сотиб олган эди.

«Энг қийин синов Премьер-лига темпига мослашиш жараёни бўлди. Бу дунёдаги энг кучли чемпионат, бу ерда тезликлар жуда юқори... Ҳар бир ўйин сайин майдонда фикрлашим ва ҳаракатланишим тезлашиб борди», – дейди Шешко The United Stand нашрига берган интервьюсида.

22 ёшли футболчи якунланган АПЛ мавсумида 30 та учрашувда майдонга тушиб, ўз ҳисобига 11 та гол ва битта голли узатмани ёздириб қўйди.