Винченцо Итальяно «Болонья» бош мураббийи лавозимини тарк этди. Клуб раҳбарияти ва мутахассис меҳнат шартномасини ўзаро келишувга кўра бекор қилди. Бу ҳақдаги тегишли маълумот Италия клубининг расмий сайтида эълон қилинди.
Итальяно «Болонья»ни 2024 йилнинг июнь ойидан буён бошқариб келаётган эди. Ўтган мавсумда А Серияда жамоа 56 очко жамғариб, саккизинчи ўринни эгаллади. Аввалроқ 48 ёшли мутахассис «Наполи» бошқарувига келиши мумкинлиги ҳақида хабарлар тарқалганди. Неаполликлар хўжайинлари Итальянони мураббийлик лавозимига номзодлардан бири сифатида кўриб чиқмоқда.
Эслатиб ўтамиз, 2025/2026 йилги мавсумда Италия чемпиони унвонини «Интер» қўлга киритди.













