«Барселона» клуби ўз таркибидаги 20 ёшли ҳужумчи Руни Барджи билан хайрлашишга тайёргарлик кўрмоқда. Бу ҳақда Испаниянинг Sport.es нашри хабар берди.

Манбага кўра, швециялик футболчи каталонияликлар сафида ўйин амалиёти етишмаётганидан норози ва ёзда клубни тарк этишга қарор қилган. Бош мураббий Ханс-Дитер Флик ҳам футболчининг кетишига қарши эмаслигини билдирган. Таъкидланишича, Барджи фаолиятини тўлақонли трансфер эмас, балки ижара асосида бошқа жамоада давом эттириш истагида.

Руни Барджи «Барселона»га 2025 йилнинг июлида келиб қўшилган эди. Унинг клуб билан амалдаги шартномаси 2029 йилнинг 30 июнига қадар мўлжалланган. Футболчи жорий мавсумда 28 та учрашувда майдонга тушиб, 2 та гол ва 4 та ассист қайд этди. Transfermarkt портали унинг трансфер қийматини 15 миллион еврога баҳоламоқда.