«Барселона» дарвозабони Марк-Андре тер Штеген яқинлашиб келаётган ёзги трансферлар ойнасида жамоасини ўзгартиради. Журналист Ферран Мартинеснинг хабар беришича, клуб ва футболчи ўртасида ҳеч қандай келишмовчиликлар йўқ – томонлар биргаликдаги фаолиятни якунлаш учун айни муносиб вақт келганига тўлиқ рози бўлишган.
Дарвозабон ҳозирда фаолиятини давом эттириш бўйича турли вариантларни кўриб чиқмоқда ва у Испанияни тарк этишга тайёр.
Марк-Андре тер Штеген 2014 йилдан буён «Барселона» шарафини ҳимоя қилиб келаётган эди. У каталонияликлар сафида барча турнирларда жами 423 та ўйин ўтказиб, ўз дарвозасидан 416 та гол ўтказиб юборган. 34 ёшли футболчининг амалдаги шартномаси 2028 йилгача мўлжалланган бўлиб, унинг Transfermarkt порталидаги тахминий нархи 4 миллион еврони ташкил этади.
