Мадриднинг «Атлетико» клуби ва Аргентина терма жамоаси ҳужумчиси Хулиан Альварес Италиянинг «Интер» жамоаси форварди Лаутаро Мартинес билан миллий жамоадаги рақобат ҳақида фикр билдирди.

— Лаутаро каби футболчи билан таркибдан жой олиш учун рақобатлашиш қандай туйғу?

— Биз рақобатчимиз, лекин шу билан бирга биргаликда ўйнашдан ҳам завқ оламиз. Қачонки майдонга бирга тушсак, яхши ўйин кўрсатамиз. Агар фақат биримиз майдонга тушсак, энг муҳими — жамоа учун энг яхшисини исташимиздир. Бу ички рақобат иккаламизга ҳам ҳар куни ўсиш ва ривожланишга ёрдам беради. Бу доим шундай бўлиб келган. Қачонки кучли ва соғлом рақобат бўлса, ҳамма яхшироқ ўйнай бошлайди, бу эса энг асосий жиҳатдир, — дея Альвареснинг сўзларини келтиради ФИФА расмий сайти.