Аввал хабар қилинганидек, «Атлетико» ҳужумчиси Хулиан Альварес фаолиятини «Барселона»да давом эттириши мумкин. Таниқли инсайдер Фабрицио Романонинг маълум қилишича, каталонияликлар мадридликларга аргентиналик форвард трансфери бўйича биринчи расмий таклифни юборган.

Хабарларга кўра, «Барселона» 25 ёшли футболчи учун 100 миллион евро тўлашга тайёр. Ушбу келишувга бонуслар ёки бошқа футболчилар киритилмаган — гап айнан белгиланган сумма ҳақида кетмоқда.

Альварес Ла Лиганинг ўтган мавсумида 29 та учрашувда майдонга тушиб, 8 та гол урди ва 4 та голли узатмага муаллифлик қилди. Унинг мадридлик клуб билан амалдаги шартномаси 2030 йилгача мўлжалланган бўлиб, футболчининг бозор қиймати 90 миллион еврога баҳоланмоқда.