«ПСЖ» ҳимоячиси Маркиньос Чемпионлар Лигаси финали олдидан матбуот вакиллари билан суҳбатлашди. Лондоннинг «Арсенал» клубига қарши ўйин 30 май оқшомида Будапештда бўлиб ўтади.

«Ҳар доим мотивацияга эга бўлиш муҳим. Бу йил биз буни яна бир бор исботладик. Булар — энг муҳим паллалар. Қачонки ғолиб чиқсангиз, қачонки муваффақият таъмини ҳис қилсангиз — сизда буни яна такрорлаш учун улкан истак пайдо бўлади. Биз ғалабага чанқоқ бўлишимиз керак», — деди ўйинчи матбуот анжуманида.

«Тайёргарлик жараёнидаги ҳиссиётлар, агар буни аввал бошдан кечирган бўлсангиз ҳам, ўзгармайди. Бу ўзига хос қийинчиликларга эга бўлган энг оғир ўйинлардир. Биз буни қандай енгамиз ва босим масаласини қандай ҳал қиламиз? Ҳеч нарса ўзгармади, биз аввал қандай ишлаган бўлсак, ҳозир ҳам худди шундай ишламоқдамиз», — деб таъкидлади Маркиньос.

Эслатиб ўтамиз, «ПСЖ» ўз тарихида учинчи, кетма-кет эса иккинчи марта финалда иштирок этади. Ўтган йилги финал «Интер» устидан 5:0 ҳисобидаги йирик ғалаба билан якунланган эди.