«ПСЖ» бош мураббийи Луис Энрике «Арсенал»нинг Англия Премьер-лигасидаги ғалабаси ҳақида ўз фикрларини билдирди. «Канонирлар» 22 йил деганда биринчи марта чемпионликни қўлга киритишди. Микель Артета жамоаси якуний жадвалда «Манчестер Сити»дан етти очко олдинлаб кетди.

«Мен ҳайрон қолганим йўқ. «Арсенал» Англиянинг энг яхши жамоаси бўлди ва ҳақли равишда ғалаба қозонди. «Манчестер Сити»дек рақиб таъқибида бунга эришиш осон эмас. Артета у ерда олти ярим йилдан бери ишламоқда. У жамоани жуда яхши билади», — деди Энрике матбуот анжуманида.

Эслатиб ўтамиз, «Арсенал» ва «ПСЖ» шанба куни Чемпионлар лигаси финалида ўзаро тўқнаш келишади. Учрашув Тошкент вақти билан соат 21:00 да бошланади.