«Арсенал»нинг собиқ бош мураббийи Арсен Венгер лондонликларнинг Чемпионлар лигаси финалида «ПСЖ»га қарши ўйиндаги имкониятларини баҳолади. Француз мутахассиси жамоанинг ҳимояда ишончли ўйин кўрсатиши эвазига кичик устунликка эга эканини таъкидлади.

«Футбол шунчаки фантастик, чунки у олдиндан айтиб бўлмайдиган ўйин ва баъзида ўйиндан кейин нима учун бундай натижа қайд этилганини тушунтириб бўлмайди. Бу эса исталган нарса содир бўлиши мумкинлигини англатади. Аммо, менинг фикримча, «Арсенал»да 60 га 40 фоизлик кичик устунлик мавжуд.

«Арсенал»нинг асосий кучи — дарвоза дахлсизлигини сақлаб қолиш қобилиятида, финалда эса бу жуда муҳим. Ўйин давомида сенга имконият албатта берилади ва ўша вазиятда шафқатсиз бўлиш керак, сифатли футболчилар эса буни уддалай олади. «Арсенал» исталган дақиқада хавфли бўла олади», — деди Венгер.