«Марсель» вингери Мэйсон Гринвуд фаолиятини Италиянинг «Рома» клубида давом эттириши мумкин. Инсайдер Николо Скиранинг хабар беришича, 24 ёшли футболчи римликларнинг келаси ёзги трансферлар ойнасидаги асосий нишони ҳисобланади.
«Рома» бош мураббийи Жан Пьеро Гасперини Гринвудни шахсан ўз жамоасида кўришни истамоқда ва мутахассис трансфер амалга ошиши учун бор кучини сарфламоқда. Маълумотларга кўра, «Рома» аллақачон футболчининг агентлари билан ижобий музокаралар ўтказган. Айни дамда клуб «Марсель» билан келишув шартларини муҳокама қилмоқда. Эътиборли жиҳати, агар трансфер амалга ошса, сумманинг 40 фоизи «Манчестер Юнайтед» клубига ўтади.
Гринвуд 2025/26 йилги мавсумда «Марсель» сафида барча турнирларда 45 та ўйинда майдонга тушиб, 26 та гол ва 11 та голли узатмага муаллифлик қилди. Transfermarkt экспертлари футболчининг нархини 55 миллион еврога баҳоламоқда.
