«Ливерпуль» сардори Вирджил ван Дейк жамоа бош мураббийи Арне Слотнинг истеъфоси ҳақида фикр билдирди. Кеча, 30 май куни «Ливерпуль» Слотнинг лавозимидан озод этилганини расман эълон қилган эди.
«Биз биргаликдаги илк мавсумимиздаги Премьер-лига ғолиблигини ҳеч қачон унутмаймиз. Сизга раҳмат, мураббий. Сизга ва оилангизга келажакда энг яхши тилакларни тилаб қоламан», — деб ёзди ван Дейк ижтимоий тармоқдаги саҳифасида.
Слот мерсисайдликларни 2024 йилнинг ёзидан буён бошқариб келаётган эди. Унинг қўл остида «Ливерпуль» 2024/2025 йилги мавсумда Англия чемпионига айланди. Якунланган жорий мавсумда эса «қизиллар» 60 очко жамғариб, турнир жадвалида бешинчи ўринни эгаллашди.
«Ливерпуль»га тайинланишидан олдин Слот Нидерландиянинг «Фейеноорд» клубини бошқарган.
