Туриннинг «Ювентус» клуби собиқ футболчиси Алессандро Биринделли жамоанинг ҳозирги таркибида энг муаммоли чизиқ ҳужум эканини таъкидлади. Унинг сўзларига кўра, фақат сербиялик ҳужумчи Душан Влахович Италиянинг энг совриндор клуби талабларига жавоб беради.
«Мен ўйинларни диққат билан кузатиб бораман, футболчиларнинг ҳаракатларини баҳолайман. Менинг назаримда, Душан Влахович «Ювентус» даражасига мос, лекин Давид ва Опенда эмас», — деб иқтибос келтиради Биринделлининг сўзларини derbderbyderby.it портали.
Эслатиб ўтамиз, Алессандро Биринделли 1997-2008 йилларда Турин клуби шарафини ҳимоя қилган, футболчилик фаолиятини эса 2010 йилда «Пешина» сафида якунлаган.
