Миланнинг «Интер» ва Туриннинг «Ювентус» клублари ёзги трансфер ойнасида ҳимоячилар билан алмашиши эҳтимоли юқори. Журналист Жанлуиджи Лонгарининг хабар беришича, яқинда клублар ўртасида Андреа Камбьясо борасида музокаралар бўлиб ўтган – «нерадзурри» туринликларнинг 26 ёшли футболчисини ўз сафига қўшиб олишдан манфаатдор.
«Бьянконери» эса ўз навбатида, ҳимоянинг чап қанотида ўйнайдиган Карлос Аугустони таклиф қилиш имкониятини кўриб чиқмоқда.
Нуфузли «Transfermarkt» портали Андреа Камбьясони 20 миллион еврога баҳоламоқда, Карлос Аугустонинг нархи эса ўша сайтда 23 миллион еврони ташкил этади. Бразилиялик футболчи италиялик ҳамкасбидан бир ёш катта.
