Маркус Рэшфорднинг «Барселона»га доимий асосда ўтиши даргумон бўлиб қолди. Каталония клуби инглиз футболчиси учун тахминан 15 миллион евро таклиф қилган, бироқ «Манчестер Юнайтед»дан рад жавобини олган.
Журналист Ферран Корреаснинг маълумотларига кўра, 28 ёшли футболчининг ўзи «Барса»га ўтишни хоҳлаётганига қарамай, трансфер эҳтимоли сезиларли даражада камайган. Катта эҳтимол билан, «кўк-анорранглилар» энди бошқа номзодларга эътибор қаратишади.
Ханс-Дитер Флик жамоасида ижара асосида тўп сурган Маркус Рэшфорд ўтган мавсумда 49 та ўйинда майдонга тушиб, 14 та гол ва 14 та голли узатмани амалга оширган эди. Келишувда 30 миллион евролик сотиб олиш опцияси мавжуд эди, аммо «Барселона» ушбу бандни фаоллаштиришни истамади.
