«Барселона» марказий ҳимоячиси Андреас Кристенсен катта эҳтимол билан клубда қолади. Даниялик футболчининг амалдаги шартномаси ой охирида ўз ниҳоясига етади, аммо томонлар шартномани узайтириш бўйича келишувга эришди, дея хабар беради журналист Рохер Торельо.
«Барселона»да 30 ёшли футболчининг келажаги борасида ҳеч қандай хавотир ва шубҳа йўқ. Энди фақат керакли ҳужжатларни тайёрлаш ва имзолаш қолди, холос.
Маълум бўлишича, Андреас Кристенсенга Англия, Италия ва Греция клубларидан анча фойдалироқ таклифлар бўлган, аммо у «Барселона»да қолишга қарор қилган. Шартнома яна икки йилга узайтирилиши кутилмоқда. «Кўк-анорранглилар» мураббийи Ханс-Дитер Флик футболчига ишонади ва унинг тажрибасини қадрлайди, бу эса ҳамкорликни давом эттириш ҳақидаги қарорнинг асосий сабаби бўлди.
