«ПСЖ» ҳужумчиси Брэдли Баркола фаолиятини Англия Премьер-лигасида давом эттириши мумкин. «Fichajes» нашри хабарига кўра, франциялик футболчини ўз сафига қўшиб олишга Лондоннинг «Арсенал» клуби қизиқиш билдирмоқда.

Ёзги трансферлар вақтида «канонирлар» 23 ёшли футболчи учун тахминан 80 миллион евро тўлашга тайёр. Брэдли Баркола 2023 йилда «Лион»дан «ПСЖ»га 45 миллион евро эвазига ўтган эди. Унинг парижликлар билан тузган шартномаси 2028 йилнинг 30 июнига қадар мўлжалланган.

2025/26 йилги мавсумда ҳужумчи барча мусобақаларда «ПСЖ» сафида 49 та ўйин ўтказиб, 13 та гол урган ва 7 та голли узатмани амалга оширган. «Transfermarkt» портали Барколани 70 миллион еврога баҳоламоқда.