Таниқли инсайдер Фабрицио Романо «Ювентус» чап қанот ҳимоячиси Андреа Камбьясонинг «Барселона» ёки «Челси»га ўтиши мумкинлиги ҳақидаги хабарларга изоҳ берди. Трансфер экспертининг маълумотига кўра, ОАВда тарқалган миш-мишларга қарамай, «кўклар» («Челси») италиялик футболчи бўйича ҳеч қандай музокара олиб бормаган.

Романонинг қўшимча қилишича, «Барселона» эса 26 ёшли ўйинчини кузатиб келаётганига бир неча ой бўлди – у каталонияликларнинг чап қанот ҳимояси учун кўриб чиқилаётган учта номзоддан бири ҳисобланади. «Transfermarkt» баҳосига кўра, Андреа Камбьясонинг трансфер қиймати 20 миллион еврони ташкил этади. Латералнинг «Ювентус» билан тузган амалдаги шартномаси 2029 йилгача мўлжалланган.