«Ливерпуль» дарвозабони Алиссон Бекер клубда қолишга қарор қилди. Бразилиялик футболчи «Ювентус»нинг трансфер нишони ҳисобланарди: миш-мишларга кўра, дарвозабоннинг ўзи ёзги трансфер ойнасида Туринга кўчиб ўтишга тайёр эди, бироқ «қизиллар» («Ливерпуль») бу битимдан воз кечди.
«ESPN Brasil» хабарига кўра, ҳозирда вазият якуний ойдинлик касб этди: Алиссон клубда қолиш ва амалдаги шартномаси якунига қадар ўйнашга қарор қилди. 33 ёшли футболчининг инглиз гранди билан келишуви кейинги йилнинг ўрталаригача мўлжалланган. Ўтган мавсумда Алиссон «Ливерпуль» сафида барча мусобақаларда 35 та ўйин ўтказиб, 37 та гол ўтказиб юборди. Дарвозабон мерсисайдликлар шарафини 2018 йилнинг ёзидан буён ҳимоя қилиб келмоқда.
