«Ливерпуль» Ян Диоманде учун курашга қўшилди.
The Athletic нашрининг хабар беришича, АПЛ клуби «Лейпциг» билан алоқага чиққан ва трансфер устидаги ишларни фаоллаштирган. Қайд этилишича, мерсисайдликлар айни дамда футболчи билан музокараларда энг қулай ва кучли позицияни эгаллаб турибди.
Шу билан бирга, «Ливерпуль» раҳбарияти футболчи учун сўралаётган 130 миллион евродан кўпроқ маблағни тўлашга тайёр эканлигига тўлиқ ишончи комил эмас.
Диомандега «ПСЖ» томонидан бўлаётган қизиқиш ҳам сақланиб қолмоқда, бироқ парижликлар ҳозирча «қизиллар» каби илгарилаб кета олишгани йўқ. Шунингдек, Ян «Манчестер Сити»га ҳам маъқул келмоқда.
