«Манчестер Юнайтед» клуби директори Омар Беррада жамоа капитани Бруну Фернандеш ҳақидаги фикрлари билан ўртоқлашди.

Португалиялик ярим ҳимоячи Англиядаги фаолияти давомидаги эҳтимол энг ёрқин мавсумини ўтказди. «Қизил иблислар» етакчиси бир мавсумдаги голли узатмалар сони бўйича (21 та ассист) Премьер-лига рекордини янгилади.

«Бруну — фантастик сардор, ҳақиқатан ҳам ажойиб етакчи. Албатта, биз унинг жамоада қолишини хоҳлаймиз. У ушбу мавсумда нафақат юқори даражадаги ўйин кўрсатди, балки энг муҳими, ўзининг қандай етакчи эканлигини барчага исботлади. Одамлар унинг майдондан ташқарида ўзини қандай тутишини кўришмайди. Шубҳасиз, у мақтовларнинг энг юқорисига лойиқ», — дея Берраданинг сўзларини келтиради centredevils.

Маълумот учун, Фернандешнинг «Манчестер Юнайтед» билан амалдаги шартномаси 2027 йилгача мўлжалланган.