«Челси»нинг чап қанот ҳимоячиси Марк Кукурелья маълум бир шарт бажарилса, «Барселона»га кўчиб ўтиши мумкин. «Кўк-анорранглилар» ўз тарбияланувчисини ортга қайтариш имкониятини кўриб чиқишмоқда, бироқ агар клубда Алехандро Бальде қолса, бу трансфер устида иш бошлашлари амримаҳол, деб хабар бермоқда «Marca».

22 ёшли футболчи Ханс-Дитер Флик жамоасида асосий таркибдаги жойини йўқотганидан норози бўлса-да, барибир клубдан кетишни истамаяпти. Шунингдек, ёш испанияликни «Барселона»нинг Жоау Канселуни тўлиқ сотиб олиш нияти ҳам қувонтирмаяпти, чунки португалиялик футболчи, катта эҳтимол билан, унинг позициясини эгаллайди.

Transfermarkt портали экспертлари Кукурелья ва Бальденинг трансфер қийматини бир хил — 50 миллион еврога баҳолашмоқда.