«Барселона» ҳимоячи Жоау Канселуни «Ал-Ҳилол»дан тўлиқ сотиб олиш устида ишламоқда. Саудия клуби ён босишга тайёр: «кўк-анорранглилар» португалиялик футболчини дастлаб талаб қилинган 15 миллион евро ўрнига 10 миллион еврога сотиб олишлари мумкин, дея хабар берди Mundo Deportivo.

32 ёшли футболчининг ўзи ҳам Каталонияга кўчиб ўтишни жуда хоҳламоқда — бунинг учун у маошининг сезиларли даражада камайишига рози бўлади.

Жоау Канселу якунланган мавсумнинг иккинчи ярмида Ханс-Дитер Флик жамоасида ижара асосида тўп сурди: у 23 та ўйинда майдонга тушиб, 2 та гол урди ва 4 та голли узатмани амалга оширди. Transfermarkt портали футболчининг трансфер баҳосини 8 миллион еврога баҳоламоқда.