«Ливерпуль» ярим ҳимоячиси Харви Эллиотт жамоа ихтиёрига қайтганидан сўнг асосий таркибдан жой олиш учун курашишни режалаштирмоқда. 23 ёшли футболчи ўтган мавсумни ижара асосида «Астон Вилла»да ўтказди ва бу давр у учун муваффақиятсиз бўлди.

«Қизиллар»нинг собиқ устози Арне Слот англиялик футболчига ишонч билдирмаётган эди, бироқ нидерландиялик мутахассис истеъфога чиқарилганидан кейин вазият ўзгариши мумкин. SportsBoom нашрининг хабар беришича, Эллиотт мавсум олди тайёргарлик жараёнида янги бош мураббий Андони Ираолада яхши таассурот қолдириш имкониятидан фойдаланиб қолмоқчи.

Шундай бўлса-да, футболчининг сотиб юборилиш эҳтимоли ҳали ҳам юқори — унга Премьер-лиганинг бир нечта клублари қизиқиш билдирмоқда. Миш-мишларга кўра, «Ливерпуль» ушбу ўйинчи учун тахминан 40 миллион евро талаб қилмоқда.