Лондоннинг «Арсенал» клуби «Ноттингем Форест»нинг ҳужумкор ярим ҳимоячиси Морган Гиббс-Уайт учун курашга киришиши мумкин.

Sun Sport нашрининг хабар беришича, «канонирлар» «ўрмончилар»нинг 26 ёшли футболчисини ўзларининг шорт-листига киритишган. У «Астон Вилла» аъзоси Морган Рожерс трансфери бўйича музокаралар муваффақиятсиз якунланган тақдирда, муқобил вариант сифатида кўрилмоқда.

«Арсенал» раҳбарияти таркибида «Ноттингем Форест» юлдузи истеъдодининг катта мухлислари бор. Эслатиб ўтамиз, Transfermarkt портали ушбу футболчининг бозор қийматини 70 миллион еврога баҳолаган.

Ўтган йилнинг ёзида Гиббс-Уайт ўз клуби билан шартномасини 2028 йилгача узайтирган эди. Якунланган мавсумда ўйинчи 53 та учрашувда майдонга тушиб, 18 та гол урди ва 7 та голли узатмани амалга оширди.