«Тоттенхэм» қанот ҳимоячиси Педро Порро билан амалдаги шартнома муддатини узайтиришга жуда яқин турибди. Бу ҳақда таниқли инсайдер Фабрицио Романо хабар бермоқда.
26 ёшли Порро клуб билан кейинги тўрт мавсум учун — 2030 йилнинг ўрталарига қадар мўлжалланган янги битим имзолаши кутилмоқда. Романонинг алоҳида таъкидлашича, «Тоттенхэм» бош мураббийи Роберто де Дзерби Педро Поррони доимо жамоанинг «дахлсиз» ва алмаштириб бўлмас аъзоси деб ҳисоблайди.
Бундан олдинроқ матбуотдаги миш-мишлар Поррони анча нуфузлироқ клублар, хусусан, «Реал Мадрид» ва «Манчестер Сити» билан боғлаган эди. Нуфузли Transfermarkt портали футболчини 35 миллион еврога баҳоламоқда.
Ҳозирда Педро Порро Испания терма жамоаси ихтиёрида бўлиб, Жаҳон чемпионатига тайёргарлик кўрмоқда.
