Лондоннинг “Арсенал” клуби “Комо” ҳужумкор ярим ҳимоячиси Николас Пасга қизиқиш билдирмоқда. Мадриднинг “Реал” клуби ўз тарбияланувчисини 9 миллион евро эвазига қайтариб олиш ҳуқуқига эга, бироқ аргентиналик футболчи ортига қайтишга шошилмаяпти: у доимий ўйин амалиёти кафолатланишини истамоқда, Мадридда эса бунга тайёр эмаслар.
21 ёшли футболчининг яқинда Жозе Моуриньо билан ўтказган телефон суҳбати томонларни бир тўхтамга келишига ёрдам бермади. Шу жараёнда, HandofArsenal нашрининг хабар беришича, Серия Анинг ёш юлдузини потенциал янги харид сифатида кўраётган “канонирлар” вакиллари вазиятни кузатиб боришмоқда.
“Арсенал” ёки бошқа ҳар қандай клуб учун Пас трансфери “Реал”га нисбатан анча қимматга тушади: айни дамда футболчининг Transfermarkt порталидаги бозор қиймати 80 миллион еврога баҳоланмоқда.
