Германия терма жамоаси ҳимоячиси Натаниэль Браун 2026 йилги Жаҳон чемпионати гуруҳ босқичи доирасида Кюрасао терма жамоаси дарвозасига киритган голи ҳақида фикр билдирди.
14 июнь куни немислар рақибларини 7:1 ҳисобида тор-мор этишди ва турнирнинг финал босқичларида урилган голлар сони бўйича рекорд ўрнатишди (239 та гол).
«Жаҳон чемпионатидаги илк ўйинимда гол урганимдан кейинги туйғуларимни сўз билан таърифлаб бера олмайман. Еттита гол урганимиздан жуда мамнунмиз. Ўтказиб юборилган гол бизга керак эмас эди, лекин балки бу бизга фойда келтиргандир — бизни уйғотди. Шу шу зайлда ўйнашда давом этгани ва чиройли футбол кўрсатгани учун жамоам билан фахрланаман. Голлар — биз учун яхши, албатта, лекин биз кучсиз томонларимиз устида ишлашда давом этишимиз керак», — дея Брауннинг сўзларини келтиради ФИФА матбуот хизмати.
20 июнь куни Германия Жаҳон чемпионати доирасида Кот-д'Ивуарга қарши майдонга тушади, 25 июнь куни эса Эквадор билан куч синашади. Турнир АҚШ, Канада ва Мексика майдонларида бўлиб ўтмоқда ва 19 июль куни якунига етади.
