Чехия ва ЖАР терма жамоалари ўртасидаги учрашувини Тори Пенсо бошқариб боради. Мазкур жамоалар жаҳон чемпионатининг илк ўйин кунида мағлубиятга учрашган эди. Майдонда бош ҳакамга ёрдам берадиган қанот ҳакамлари ҳам аёллар бўлади. Бу каби тажриба Қатардаги жаҳон чемпионатида ҳам кузатилган эди, ўшанда Стефани Фраппарт учрашувни бошқарган.
Ўз вақтида Тори Шимолий Американинг МЛС лигаси учрашувини бошқарган илк аёл ҳакамга айланган эди.
Шунингдек, у 2023 йилги аёллар ўртасидаги жаҳон чемпионатида ҳам ишлаган, хусусан, испаниялик ва англиялик аёллар ўртасидаги финал учрашувини бошқарган эди. Ўша ўйин 1:0 ҳисобида Испания фойдасига ҳал бўлган.













