«Галатасарой» клуби ҳужумчи Мауро Икарди билан шартнома муддатини узайтириш ниятида.

Таниқли инсайдер Николо Скиранинг берган маълумотларига кўра, Туркия клуби аргентиналик футболчига янги битим бўйича илк расмий таклифини юборган. «Галатасарой» ҳужумчига йилига 4,5 миллион евро маош билан 2027 йилнинг 30 июнига қадар мўлжалланган (шартномани яна бир мавсумга узайтириш имконияти билан) янги шартнома таклиф қилмоқда. Икарди эса бу таклифни қабул қилиб бўлмас деб ҳисоблайди, чунки у айни пайтда бир мавсум учун 10 миллион евро маош олмоқда.

Ортда қолган 2025/26 йилги мавсумда Мауро Икарди «Галатасарой» таркибида барча мусобақаларда 47 та учрашувда майдонга тушиб, 16 та гол урди ва 3 та голли узатмани амалга оширди. Унинг клуб билан амалдаги шартномаси шу йилнинг 30 июнида ниҳоясига етади.