Жаҳон чемпионати гуруҳ босқичининг илк турида Англия терма жамоаси Хорватия устидан 4:2 ҳисобида ғалаба қозонди.

Учрашув жуда шиддатли ва голларга бой тарзда кечди. Англия ҳисобни Харри Кейннинг пенальтидан урган голи билан очди. Бироқ Мартин Батурина мувозанатни тиклади. Биринчи бўлим охирига қадар жамоалар яна биттадан гол урди: Кейн дубль қайд этган бўлса, Петар Муса ҳам ўз номини таблога ёздирди ва жамоалар танаффусга 2:2 ҳисоби билан йўл олди.

Иккинчи бўлим бошида Жуд Беллингем Англияни яна олдинга олиб чиқди. Хорватия дарвозабони Доминик Ливакович бир қатор ажойиб сейвлар билан жамоасини ўйинда ушлаб турди, аммо 85-дақиқада захирадан майдонга тушган Маркус Рэшфорд тезкор қарши ҳужумни гол билан якунлаб, ўйинга нуқта қўйди.

Шу тариқа Томас Тухель шогирдлари мундиални муҳим ғалаба билан бошлади.

Жаҳон чемпионати-2026. "К" гуруҳи, 1-тур
Англия – Хорватия – 4:2
Голлар: Кейн, 12 (пен), 42 (2:1), Батурина, 38 (1:1), Муса, 45+5 (2:2), Беллингем, 47 (3:2), Рэшфорд, 85 (4:2).