Лондоннинг «Арсенал» клуби «Астон Вилла» ҳужумкор ярим ҳимоячиси Морган Рожерс бўйича музокараларни режалаштирмоқда.
«Канонирлар» «виллачилар» билан яқин ҳафталар ичида расмий музокараларни бошлаш ниятида, деб хабар беради HandofArsenal. Лондон гранди раҳбарияти бирмингемликларнинг 23 ёшли юлдузини трансфер қилишга жиддий бел боғлаган, аммо фақат «мақбул» нарх эвазига. Ҳаммаси «Астон Вилла»нинг талабларига боғлиқ бўлади, футболчи билан шахсий келишувга эришиш эса муаммо туғдирмаслиги тахмин қилинмоқда.
Морган Рожерснинг қиймати Transfermarkt мутахассислари томонидан 90 миллион еврога баҳоланмоқда, унинг амалдаги шартномаси 2031 йилгача мўлжалланган.
