Франциялик ҳужумчи Антуан Гризманн АҚШга кўчиб ўтмоқда, уни «Орландо» таркибида кутишяпти. У аллақачон Шимолий Америка йўналиши бўйича учиб кетди ва буни тасдиқловчи тегишли постни ижтимоий тармоқлардаги саҳифасига жойлаштирди.
Бироқ Испанияни тарк этишдан (катта эҳтимол билан вақтинчаликка) олдин, Гризманн яхшигина инвестиция киритишга улгурди — Испания пойтахтининг Саламанка мавзесида ўзининг «Grizi Cards» бутигини очди. Бу дўконда футболга қизиқадиган болакайлар ўзларининг севимли футболчилари тасвирланган фотокарталарни сотиб олишлари мумкин бўлади.
Дўконнинг онлайн талқини 2022 йилдаёқ ишга туширилган эди, аммо Гризманн барибир ҳақиқий бутик очишни жуда ҳам хоҳлаганди — ва ниҳоят ўз мақсадига эришди.
