Англия терма жамоаси ва Мадриднинг «Реал» клуби ярим ҳимоячиси Жуд Беллингем «қаймоқранглилар»нинг янги бош мураббийи Жозе Моуриньо ҳақида фикр билдирди. Португалиялик мутахассис шу ёзда «Реал» бошқарувини қўлга олди. Бундан аввал ҳам у «қаймоқранглилар» раҳбарлигида фаолият юритган ва улар билан чемпионлик унвонини қўлга киритган эди.
«Жозе «Реал»дами? Бу ақл бовар қилмайдиган даражада, шунчаки ажойиб! У топ-мураббий. Ҳақиқий топ. Мен бу тайинловдан жуда хурсандман», — дея Беллингемнинг сўзларини таниқли журналист ва инсайдер Фабрицио Романо «X» ижтимоий тармоғида келтиради.
Мадриднинг «Реал» клуби ўтган мавсумни Испания Ла Лигаси турнир жадвалида иккинчи ўринда якунлади. Каталониянинг «Барселона» клуби мамлакат чемпионига айланди.
